Со ноќна атлетска трка низ улиците во градот во петок ќе започне одбележувањето на Денот на ослободувањето на Куманово.
Трката е во организација на Атлетскиот клуб Куманово, а во соработка со Општинскиот сојуз на Спортови и Атлетската федерација на Македонија, а под покровителство на градоначалникот и локалната самоуправа.
И годинава дел од ноќната трка ќе бидат ученици од основните и средни училишта во градот, но и професионални атлетичари од целата држава, а деновиве ќе се знае дали трката ќе добие меѓународен карактер, со учество на алтетичари од Бугарија и Србија.
– Ќе има главна трка пет километри за машки и три километри во женска конкуренција и ќе има трки за училиштата од Куманово, училишни трки на шесто и седмо одделение, за осмо и деветто одделение трка на 600 метри и за средните училишта трка на 800 метри. Сите тие категории во училишни трки ќе се одржат и во машка и во женска категорија, така да ќе имаме шест трки во оваа категорија. Со натпреварите започнуваме во 17:30 часот, а главната трка ќе уследи во 18?30 часот, ќе има кружен тек, ќе се врти релацијата исто како и лани, женската трка ќе има два круга, а машката трка ќе има три круга, изјави Филип Колевски, тренер на Атлетскиот клуб Куманово.
Сите атлетичари ќе добијат признание на учествата, а за најдобрите ќе следуваат и медали за постигнатите успеси.
Стартот и целта на трката ќе бидат на градскиот плоштад, а патеката ќе ги опфати улиците Доне Божинов, „3 МУБ“, „Народна револуција“, „Ленинова“, а во периодот од 17:30 до 19:30 часот до кога ќе се одржуваат трките улиците ќе бидат затворени за сообраќај.