Сирија: Армијата помага да се елиминираат последиците од земјотресот

Сподели со своите пријатели

Сирискиот претседател Башар ал Асад денеска претседаваше со вонредна седница на владата, свикана поради разорниот земјотрес што ја погоди пограничната област меѓу Турција и Сирија и во кој, според последните податоци, во Сирија загинаа повеќе од 300 луѓе.

Loading...

Министерството за одбрана најави мобилизација на сите свои единици и ресурси за учество во потрагата по преживеани и помош на повредените.

Како што јави сириската новинска агенција Сана, во земјотресот се повредени голем број луѓе, а оштетени се и многу згради.

Најголеми последици од земјотресот имало во провинциите Алепо, Хама и Латакија и Тартус, се наведува во соопштението на сириската влада.

Спасувачите соопштија дека во деловите на Сирија кои се под контрола на опозицијата десетици луѓе загинале, а стотици се повредени.