На телото му е потребен холестерол за да изгради здрави клетки, но високото ниво може да биде многу опасно.
Поради зголемувањето на вредноста на холестеролот, се зголемува и ризикот од срцеви заболувања, пишува Стил.
Ако го слушаме нашето тело, можеме да ги препознаеме најраните симптоми и да реагираме на време, велат лекарите.
Високиот холестерол обично не предизвикува некои значајни симптоми, па затоа е тешко да се утврди. Сепак, постои збир на физички симптоми кои можат да бидат најраните сигнали дека нешто не е во ред со нивото на холестерол во вашето тело.
Ако забележите некој од овие сигнали, најдобро е да посетите лекар:
Болка во рацете и нозете
Акумулацијата на холестерол може да ги заглави крвните садови на нозете и рацете.
„Акумулацијата на холестерол на овие места често предизвикува болка во рацете или нозете“, вели д-р Мајкл Николс.
Чувствувате трнење во вашето тело
„Прекините во протокот на крв во одредени делови од телото создаваат пецкање во рацете и нозете.
Високото ниво на холестерол ја прави крвта погуста, а со тоа и нормалниот проток е оневозможен, што на крајот се манифестира како чувство на трнење“.
Болка во градите
„Болката во градите, особено на левата страна, укажува на блокада на крвните садови околу срцето и може да предизвика болка. Понекогаш болката може да се прошири на вратот“, објаснува лекарот.
Чести главоболки
Блокада на крвните садови во областа околу главата предизвикана од висок холест создава главоболка во задниот дел на главата.
Постојат два вида холестерол, добар и лош, и многу е важно да се внимава тие да бидат во нормални граници, нагласуваат лекарите.
Клиниката Мајо наведе кои се предизвикувачи за создавање висок холестерол и кои луѓе спаѓаат во најризичната категорија.
Еве што води до покачени вредности:
Лоша исхрана
Дебелината
Недостаток на физичка активност
Пушење
Возраст