17.06.2019 09:11

Симона Димковска од Куманово ја доби наградата млад актер на фестивалот „Војдан Чернодрински“


Симона Димковска, актерка од Куманово ја доби наградата за млад актер на 54-тиот Македонски театарски фестивал „Војдан Чернодрински“ кој од 7 јуни се одржуваше во Прилеп.

Димковска игра три улоги во претставата „Физика на тагата“, физичарот доктор Георгиева, напуштеното дете и волшебникот.

loading...

-За млад невработен актер, оваа награда е мотив да продолжам да работам, да се усовршувам и да верувам во театарот, изјави Димковска.

Актерката освен со Кумановскиот театар, досега играла и во претстави на Прилепскиот и на театри од Скопје.

„Физика на тагата“ е работена според романот на Георги Господинов, во режија на Милош Андоновски од Куманово. Освен, во Кумановскиот театар, претставата е прикажана пред публиката во Прилеп и во Скопје на „Бела ноќ“, а ќе гостува и во Ќустендил.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments