Уште од летото трае големата битка за Бахмут. Во времето на големата украинска контраофанзива во која беше ослободена областа околу Харков, која се случи на крајот на летото, Бахмут беше познат како единственото место на бојното поле каде Русите напредуваа.
Потоа се зборуваше за можен пад на градот. Повеќе од половина година после тоа, Бахмут сè уште не паднал.
Изминативе недели неколку пати се зборуваше за можен пад на Бахмут, но тоа сѐ уште не се случи.
Впрочем, вестите од тој фронт последниве денови замолкнаа.
Пригожин му напиша на Шојгу
Но, далеку од тоа дека е тивко на бојното поле, таму сѐ уште се води жестока битка.
Во последните недели многу се зборува за нарушените односи меѓу Вагнер и редовната армија, односно меѓу Пригожин и владата во Кремљ.
Во овој контекст, вреди да се напомене дека Евгениј Пригожин, основачот и шеф на Вагнер, му пишал на рускиот министер за одбрана Сергеј Шојгу. Писмото го објави на Телеграм.
Во писмото на Пригожин, пишува дека Вагнер поседува 70 отсто од Бахмут.
Со оглед на тоа што Пригожин изминативе недели во неколку наврати најавуваше крај на битката и „ослободување на градот“, како што го нарекува тој, прашање е колку може да му се верува.
„Ситуацијата е тешка, многу тешка, непријателите се борат за секој метар“, вели Пригожин.
Тоа е несомнено точно.
Она што особено вреди да се напомене е дека Пригожин го повика Шојгу да спроведе мерки за да спречи потенцијална украинска офанзива на крајот на март или почетокот на април и да го спречи опкружувањето на Вагнерците во Бахмут.
Од ова можеби може да се заклучат две работи, ако не и повеќе: дека Пригожин не верува дека Бахмут и неговата околина се доволно утврдени и безбедни за да се одбие можна офанзива, и дека Пригожин не им верува доволно на трупите околу градот.
BLAME GAME: PRIGOZHIN – SHOIGU
Prigozhin writes Shoigu, asking him to take measures to prevent the encirclement of Wagner in Bakhmut 🇺🇦 during the anticipated 🇺🇦counter-offensive (end of March-April).
Prigozhin is now laying the groundwork to blame Shoigu for 🇷🇺 loss there. pic.twitter.com/cuYJIfxqAz
— Jason Jay Smart (@officejjsmart) March 20, 2023
И што се случува во вистинските битки за Бахмут?
Русите продолжија да напредуваат околу Бахмут во последните два дена, на 19 и 20 март, пренесува ISW.
Во југозападниот дел на градот тие се пробиле на југ од улицата Коршуншкохо. На север од градот се приближиле до индустрискиот комплекс АЗОМ.
Според руските воени блогери, вагнерите дејствуваат на пет фронта во самиот град.
Можеби најзначајната информација, иако непотврдена, е дека Вагнерците се приближиле на 800 метри од зградата на градската управа.
Ова сугерира дека тие навистина се доближуваат до центарот на градот.
Се чини дека руските извори се особено загрижени за можноста за украински контранапади во Бахмут, а неколкумина тврдат дека украинските сили се масираат западно од Бахмут во близина на Костјантинивк и Часив Јар.
Украинскиот Генералштаб на 19 и 20 март извести дека украинските трупи ги одбиле руските напади врз самиот Бахмут и на неколку други места во околината.
New: #Russian forces made marginal gains in and around #Bakhmut amid a reported increase in the tempo of Russian operations around #Avdiivka.
Our latest: https://t.co/qtDbspyIoe pic.twitter.com/sicrtabK1H
— ISW (@TheStudyofWar) March 21, 2023
Сите информации поврзани со најновите случувања со војната во Украина можете да ги прочитате ТУКА.