Создавањето на руско-кинеската научна станица на Месечината ќе се реализира во три фази до 2035 година, објави американскиот специјализиран портал „Спејс њуз“, осврнувајќи се на презентацијата прикажана на Денот на кинескиот вселенски простор во Нанџинг.
Според презентацијата, првата фаза, која се планира да заврши до 2025 година, се состои од лансирање кон Месечината на руските станици за слетување „Луна 25“ (2021), „Луна 27“ (2025), орбиталните станици „Луна 26“ (2024), како и кинеските станици „Чанг’е 6“, Чанге 7“ (обете во 2024 година).
Користејќи ги податоците од овие станици, ќе се одреди местото за изградба на Меѓународната научна лунарна станица (МНЛС) во областа на јужниот пол на Месечината.
Втората фаза е планирана за периодот од 2026 до 2030 година. Тоа ќе вклучува испраќање на руската станица „Луна 28“ (2027) и кинеската „Чанге 8“ (2028) до природниот сателит на Земјата.
Оваа фаза е важна бидејќи во неа ќе биде иницирана изградбата на Меѓународната научна лунарна станица.
Како што беше објавено на веб-страницата на порталот, третата фаза ќе се спроведува од 2030 до 2035 година.
Патем, Меѓународната научна лунарна станица е комплекс на експериментално-истражувачки средства што се прават на површината и во орбитата на Месечината. Наменет е за разни и повеќенаменски научно-истражувачки дела, вклучувајќи истражување и употреба на Месечината, набудување на Месечината, фундаментални истражувачки експерименти и верификација на технологиите.
Да потсетиме, директорот на „Роскосмос“, Дмитриј Рогозин и шефот на кинеската Национална вселенска управа (КНКА), Чанг Кеџјан, во име на владите на Русија и Кина во март.
Претходно беше објавено на веб-страницата на руската вселенска агенција дека во рамките на овој проект, Русија и Кина заеднички ќе развиваат план за изградба на месечева станица, а исто така тесно ќе соработуваат во планирање, дизајнирање, градење, реализирање и експлоатација на проектот за создавање станица, вклучително и нејзино претставување пред светската заедница.