Се заколнавте дека ќе бидете рамо до рамо во доброто и злото, но на денот на вашата венчавка никој не ве предупреди за брачните потешкотии со кои се соочуваат модерните парови.
Вистина е дека ниту еден брак не е ист, но постојат некои универзални приговори со кои повеќето мажи се согласуваат.
Постојано дрдорење
Еден од најчестите стереотипи за мажените жени е дека тие понекогаш можат да бидат многу напорни – она што може да ви изгледа како корисно потсетување, може да се смета за постојана критика.
Според тоа, мажот секогаш ќе има впечаток дека не е доволно добар и природно е кога и да има чувство дека го напаѓате, неговиот рефлексен одговор ќе биде да се брани.
Наместо да го напаѓате затоа што не го извадил ѓубрето, на пример, би било многу подобро да му кажете „Извинете, моментално сум преоптоварена со домашни работи. Можеш ли да ми помогнеш со ифрлање на ѓубрето? ”
Покажете дека го цените неговиот напор за да нема простор за фрустрација.
Премногу приказни
Без разлика дали станува збор за позитивна, негативна или неутрална порака што се обидувате да ја пренесете, мажите во повеќето случаи сметаат дека жените зборуваат премногу, а главната причина лежи во фактот дека тие имаат ограничена способност да обрнат внимание на предметот на разговор, и што го прават во тој момент.
Ако вашиот сопруг не одговори на прашањето веднаш, веројатно сѐ уште размислува што да каже следно. Затоа, не лутете се веднаш и не префрлувајте брзо на друга тема – дајте му доволно време да ги обработи информациите.
Се е подредено на децата
Сосема е нормално животот радикално да се промени кога ќе се родат деца, но проблемот настанува кога жената почнува да го фокусира целото внимание на новороденчето.
Нејзините постапки можат да направат мажот да се чувствува запоставен, или да мисли дека повеќе не е важен за неговата сопруга.
Вистина е дека воспитувањето деца бара многу време, внимание и енергија, но дури и оние гестови што ви изгледаат најбезопасни, можат да значат многу за вашиот маж.
Прегрнете го кога ќе се разбудите или бакнете на крајот од напорниот ден и не заборавајте да одвоите време во текот на неделата за да го поминете само со него.