Шпанија донесе закон кој животните ги третира како живи суштества

Сподели со своите пријатели

Долниот дом  на шпанскиот парламент усвои нов закон со кој животните се признаваат како живи суштества, а не како предмети.

Loading...

Законот го менува правниот статус на животните во Граѓанскиот законик, Законот за хипотека и Законот за граѓанска постапка, без разлика дали животните се домашни или диви.

 

 

Животните повеќе не можат да се сметаат за предмети, што значи дека не можат да бидат поседувани, одземени, напуштени или малтретирани.

Во случај на развод, животните не можат да се одвојат од сопственикот без да се води сметка за нивната благосостојба и заштита, односно парот треба да одлучи кој и за кој период ќе се грижи за животното, а доколку не се постигне договор, судот ќе интервенира.

Згора на тоа, домашните животни веќе не се подобни за хипотека и животните не можат да се одземат за неплаќање.

Loading...

 

 

Измената на шпанскиот Граѓански законик ги третира животните како „апсолутно неповредливи“.

Амандманот го дефинира односот меѓу животното и семејството со кое живее.

Шпанската социјалистичка партија (ПСОЕ) и Унидас Подемос предложија амандмани. Сите партии освен екстремно десничарската партија Вокс ја поддржаа одлуката.