Шилегов: На денешната седница се покажа двојното лице на ВМРО ДПМНЕ (видео)

Сподели со своите пријатели

На денешната седница на Анкетната комисија за скандалот со прислушувањето се покажа вистинското лице на ВМРО-ДПМНЕ, односно дека имаат две лица, обвини Петре Шилегов, претседател на собраниската комисија.

Според Шилегов, едното лице се покажува кога треба да се зборува за технички работи, додека второто лице, е кога треба да се зборува за суштински работи.

Едно лице, кога треба да се зборува за технички работи, коишто претпоставуваат дека можеби ќе вршиме суштинска работа. И второто лице, добро познато веќе на јавноста, дека кога навистина зборуваме за суштински работи, како што е сведочењето на нејзините функционери, истите или одбиваат да се појават пред Анкетната комисија или тоа го прават на затворена седница. 

Оттука, повикувам таквата божемна кооперативност да се преслика и на посочените сведоци. Истите, наместо да се кријат од јавноста на затворени седници или да не се јавуваат пред Анкетната комисија, да дојдат, јавно пред целокупната македонска јавност да бидат сослушани и да дадат изјави во свој осврт на посочени сведоци.

 Нам не ни треба Анкетна комисија за да кажеме дека постоела Анкетна комисија, истакна Шилегов на крајот од денешната одржана прес конференција.

 

Loading...