Севернокорејските медиуми објавија видео на војници кои ги покажуваат своите борбени вештини и способности со кршење бетонски блокови со глави и раце, свиткување челични шипки…
Видеото е направено на презентацијата на одбранбените способности на армијата во Пјонгјанг, а меѓу гледачите беше и севернокорејскиот лидер Ким Јонг-ун.
На видеото се гледа како војници уништуваат цигли и плочи со рацете и главите, лежејќи на клинци и парчиња стакло, додека други војници кршеле бетонски плочи по нивните тела со чекани.
Големото финале на изложбата беше двајца војници кои свиткаа челични шипки околу вратот и искинаа синџири.
Севернокорејските медиуми наведуваат дека претставата била организирана со цел „да им се покаже на непријателите дека војниците имаат челични тупаници што го штитат мирот“.