Месечниот извештај на истражувач за човекови права на Обединетите нации во кој се изразува загриженост за човековите права и хуманитарната ситуација во Северна Кореја е „злонамерна клевета“, соопшти денеска севернокорејска организација.
Во својот последен извештај, Томас Охеа Кинтана, специјалниот известувач на ОН за човекови права во Северна Кореја, вели дека најранливите луѓе во земјата се изложени на ризик од глад откако земјата „се лизна“ уште подлабоко во изолација за време на пандемијата на Ковид -19.
Охеа Кинтана рече дека меѓународните санкции наметнати на Пјонгјанг поради програмата за нуклеарно оружје на Северна Кореја треба да се ублажат за да се обезбеди поголема помош, но тој исто така ги критикуваше злоупотребите како што се политичките затворски логори и самонаметнатата гранична блокада за да се спречи избувнувањето на Ковид-19, според неговите зборови, тоа само придонесува за влошување на состојбите.
– Специјалниот известувач, незадоволувајќи се со обвинување на нашата реалност, покажа со прст кон „животот на нашиот народ“ и подло ги избра најсоодветните антиепидемиски мерки што ги презеде нашата земја за нашите специфични потреби за да се бори против глобалната епидемија. изјави портпаролот на Корејското здружение за студија за човекови права, цитирана од севернокорејската новинска агенција KCNA.
Во соопштението се наведува дека Северна Кореја не го признава мандатот на Охе Кинтана и го обвинува дека е дел од шемата за мешање во внатрешните работи на други земји, која ја поддржуваат САД.
Нашата држава презема целосна одговорност за животната безбедност и егзистенција на нашиот народ и никогаш од никого не сме побарале да се грижи за животните услови на нашиот народ“, се вели во соопштението.
Севернокорејскиот лидер Ким Џонг Ун во јуни рече дека ситуацијата со храната е „напната“ поради природните катастрофи минатата година и призна дека граѓаните се соочиле со жртви за време на пандемијата.