Полицијата нашла семејство во „мала затворена просторија“ во изолирана фарма на северот на Холандија, каде со години живееле во целосна изолација, „чекајќи го крајот на светот“.
„Никогаш не сум видел нешто како тоа“, рече Роџер де Грот, претседател на селото Руинерволд, во кое таа куќа е опкружена со дрвја и изгубена среде полето.
– Најдовме шест возрасни кои веднаш рекоа дека се семејство: татко и деца. Сите рекоа дека се полнолетни – се вели во полициското соопштение.
Постојат многу прашања во врска со овој необичен случај што се случи на место каде изгледа дека никој не ги познава станарите на имотот, па дури и селаните не биле ни свесни дека некој живее таму.
Според локалниот телевизиски канал РТВ Дренте, семејството јадело зеленчук од градината и млеко од една коза додека живееле во една соба „чекајќи го крајот“. Некои од возрасните деца во тоа семејство „немале претстава за постоењето на другите луѓе во светот“, додаде ТВ.
Полицијата дојде „да го предупреди младиот човек од тоа семејство, кој бил загрижен за условите во кои живеат“.
Кога пристигнала полицијата, „открила шест лица во мала просторија што може да биде целосно изолирана од надворешниот свет“.
Не е познато дали овие луѓе биле доброволно таму или биле принудени да го сторат тоа.
Полицајците кои велат дека ги проучуваат „сите можни сценарија“ се обидуваат да фрлат светлина на мистеријата, да разберат што ова семејство во кое сите членови се возрасни, правеле заробени во толку мал простор.
Полициско беспилотно летало го надлетувало имотот за да ги сними сите детали, била направена претрага на отпечатоци од прст и биле сослушани соседите.
Според првиот извештај, „можно е овие луѓе да живеат таму девет години“, рекоа истражителите.
Еден член од семејството, околу 25 години, дојде во селско кафе во „збунета“ состојба во неделата вечерта. Валкана, стара облека, непострижен, тој побара помош, изјави сопственикот на кафулето Крис Вестербек за РТВ Дрент.
Кога разговарал со момчето, дознал дека тој не бил надвор од куќата цели девет години и никогаш не отишол на училиште.
„Тој зборуваше како дете“, рече Вестербек, кој веднаш ја известил полицијата.
По пристигнувањето на фармата, полицијата уапси еден 58-годишен маж „затоа што не соработувал во истрагата“.
Сепак, тој не е татко на семејството и истражителите сè уште не се прашуваат каква е неговата можна поврзаност со луѓето. Затоа тие сè уште го испитуваат и го држат во притвор.
Интервенираше и портпарол на австриското Министерство за надворешни работи, велејќи дека тој е австриски државјанин, роден во Виена, и живеел со група на млади луѓе во подрум во Холандија неколку години.
– Семејството имало автократичен начин на живот на имотот. Многу деца, сега возрасни, не се запишани во матичните книги – изјави претседателот на селото Руинерволд.
Исто така, велат од полицијата, се чини дека ниту едно од имињата на тие лица не е никаде запишано во општинските списи.