Човечките пениси се намалуваат поради загадувањето, предупредува научникот Шана Свон, пренесува Скај Њуз.
Д-р Шана Свон откри дека хемикалиите наречени фталати предизвикуваат раѓање деца со оштетени гениталии.
Пенисот се намалува и гениталиите стануваат неправилно обликувани поради загадувањето, предупредува научникот во новата книга која детално ги опишува предизвиците со кои се соочува човечката репродукција.
Д-р Шана Свон пишува дека човештвото се соочува со „егзистенцијална криза“ во стапките на плодност како резултат на фталати, хемикалии кои се користат во производството на пластика кои влијаат на ендокриниот систем кој произведува хормони.
Како резултат на ова загадување, се поголем број бебиња се раѓаат со мали пениси, пишува д-р Сван.
Нејзината книга „Каунт даун“ испитува „како нашиот современ свет се заканува на бројот на сперматозоиди, менувајќи го репродуктивниот развој на мажите и жените и нарушувајќи ја иднината на човечката раса“.
Истражувањето на д-р Сван започнало со испитување на синдромот на фталат, нешто што е забележано кај стаорци, што покажало дека фетусите изложени на хемикалии најверојатно ќе се родат со смалени гениталии.
Открила дека машките бебиња кај човекот кои биле изложени на фталати во матката имале пократко растојание од аногениталните органи – нешто што е во корелација со волуменот на пенисот.
Хемикалијата се користи индустриски за да се создаде пофлексибилна пластика, но д-р Свон вели дека се пренесува на играчки и храна, а потоа му штети на човековиот развој.
Фталатите го имитираат хормонот естроген и со тоа го нарушуваат природното производство на хормони во човечкото тело, што истражувачите го поврзуваат со мешање во сексуалниот развој на новороденчињата и однесувањето на возрасните.
Д-р Свон, која е професор по медицина на животната средина и јавно здравје во болницата „Монт Синај“ во Њујорк, ја темели својата работа на серија на рецензирани истражувачки студии.
Студија објавена во 2017 година покажа дека нивоата на сперматозоиди кај мажите во западните земји се намалиле за повеќе од 50 проценти во последните четири децении по испитувањето на 185 студии во кои учествувале скоро 45.000 здрави мажи.
Д-р Сван верува дека стапката на брзо опаѓање на плодноста значи дека повеќето мажи нема да можат да произведат одржлива сперма до 2045 година.