Самсунг планира да изгради фабрика за полупроводници вредна 17 милијарди долари во близина на Остин, Тексас, во следните три години, како дел од напорите да го зголеми производствениот капацитет и да го ублажи глобалниот недостиг на чипови.
Јужнокорејскиот технолошки гигант во вторник најави изградба на фабрика со вкупна површина од 5 милиони квадратни метри, со цел да го зголеми производството на најсовремените логички полупроводници, кои се користат во телефоните и компјутерите, пренесува CNBC и пренесува Танјуг.
Самсунг очекува градежните работи да започнат во првата половина на 2022 година и се надеваат дека фабриката ќе биде оперативна до втората половина на 2024 година.
Вкупната проектирана инвестиција од 17 милијарди долари ќе биде најголемата што Самсунг досега ја има направено во САД. Оваа сума вклучува згради, машини и опрема.
Самсунг започна со работа во САД во 1978 година, каде што вработува повеќе од 20.000 луѓе ширум земјата. Со најновата инвестиција, вкупните инвестиции на Самсунг во таа земја ќе надминат 47 милијарди долари, соопштија од компанијата.