Иран денес собори уште еден рекорд по бројот на нови случаи на коронавирус, иако Техеран и неговата околина влегоа во еднонеделна блокада воведена поради новиот врв на епидемијата.
Министерството за здравство објави дека во изминатите 24 часа биле пријавени нови 27444 случаи и 250 смртни случаи.
Според Ројтерс, во претходниот врв во април во Иран, најголемиот дневен број на новоинфицирани беше 25.582, додека дневниот број на смртни случаи беше околу 400, откако беше забележан црн рекорд од 486 смртни случаи за еден ден во ноември.
Локдаунот, кој започна денес во провинциите Техеран и Алборз, е петто од почетокот на пандемијата во Иран и ќе трае до следниот понеделник.
Во тој период ќе бидат затворени сите пазари, трговски центри и јавни простории, како и кината, спортски сали и ресторани.