Претседателот на Собранието на Република Македонија, Талат Џафери денеска го потпиша решението со кое се распишуваат локалните избори за избор на советниците на општините и советници на градот Скопје, како и за градоначалници.
Според законските определби, изборите ќе се одржат на 15 октомвтри. Изборите ги распишува претседателот на Собранието и истиот оваа решение ќе треба да го достави до Државната изборна комисија.
Џафери апелираше до сите учесници во процесот да се однесуваат според уставот и законите, а со тоа да се овозможи фер изборен процес.
Изборната кампањата стартува 20 дена пред изборите, а во тој период нема да има седници на Владата и Собранието, со цел пратениците да се посветат на изборните кампањи, рече Талат Џафери.
Loading...