Со претставата „Вообразен болен“ на актерите од Театар Куманово вчера заврши втората фестивалска вечер од Меѓународниот театарски фестивал „Денови на комедија“.
Претставата според текстот на Жан Батист Молиер беше во режија на Драгана Гуним, а на сцената играа: Александра Михајловска, Мирослав Петковиќ, Владанка Крстевски, Давид Илиќ, Ангела Стојановска, Марко Трајковиќ, Нина Максимова и Жарко Јовановиќ.
Фестивалот продолжува и вечерва кога на репертоар е претставата „Пасивно пушење“ на Театар Штип. Станува збор за претстава по текстот на Небошја Ромчевиќ, во режија на Ненад Витанов. Во комедијата играат: Владимир Тулиев, Пеце Ристевски, Миле Вратеовски, Кристина Атанасова Арсова и Марија Минчева Андонов. Претствата почнува во 20 часот.
Никола Ивановски