Џенифер Литл, од Калифорнија, открила шахта што води кон некогашното засолниште за бомби од Студената војна, додека поместувала мебел во нејзината соба.
Засолништето за бомби, изградено во 1950-тите, имало дури и спална соба и вентилација.
Нејзиниот сопруг решил да слезе долу за да испита сè, а потоа се исплашиле од огромните пајаци,
На видеото што Џенифер го објави на социјалната мрежа ТикТок, таа рече: “Постојат два кревети, има писоар ако ви треба. Многу е темно и неуредно во засолништето”.
Таа подоцна ја покажа и оставата за храна, исто така.
„Не сум сигурна зошто го изградиле на овој начин, ќе мора да го напуштите засолништето за да влезете во оставата“, рече таа.
Отпрвин, таа помисли дека засолништето за бомби било користено за време на Втората светска војна, но подоцна дознала дека куќата е изградена само во 1951 година, па затоа всушност е засолниште за нуклеарни бомби од времето на Студената војна. Овој вид засолниште често може да се најде на брегот на Калифорнија, особено во областа на централна Калифорнија поради неговата изложеност.
Бункерот целосно ги воодушеви луѓето, а видеата собраа милиони прегледи на Тик Ток.