Денес, министерот за надворешни работи Никола Димитров во рамки на работната посета на Брисел оствари засебни средби со европратениците: Михаел Галер (ЕПП, Германија), Кати Пири (СД, Холандија) и Дубравка Шуица (ЕПП, Хрватска).
На средбите беше изразено целосно разбирање за нашите очекувања и европски аспирации и изразена надеж дека европските лидери сепак ќе успеат да постигнат консензус околу заслужената одлука за почеток на преговорите со Северна Македонија. Притоа беа разменети мислења за идни чекори, како и за импликациите во случај на недонесување одлука во земјта, пошироко во регионот на Западен Балкан, како и за самата кредибилност на ветената европска перспектива.
Попладнето, МНР Димитров се приклучува кон активностите од програмата на премиерот Заев: средби со комесарот за проширување и соседска политика Јоханес Хан, претседателот на Европски парламент Давид Мариа Сасоли, како и со претседателот на Европски совет Доналд Туск.