Центарот за јавно здравје Куманово ја привршува втората фаза на терестричката дезинсекција против комарци на подрачјата на руралните општини од Североисточниот регион, Липково, Старо Нагоричане и Ранковце, соопштија денеска надлежните од јавната здравствена установа.
Во првата фаза беа опфатени 160 хектари површина во трите општини, покрај претходно утврдените места според акцискиот план и програма за превентивна деизнскеција и дератизација во општините.
Останатите општини Куманово, Крива Паланка и Кратово извршија и авионска дезинсекција и ларвицидна дезинсекција претходниот период. Во Куманово беше спроведена и дезинсекција против крлежи и дератизација против глувци.
– Превенцијата на вектор преносливи заболувања е исклучително значајна за заштита на населението од вектор преносливи болести и општините го почитуваа акцискиот план. Најдобра заштита се постигнува кога се спроведува и ларвицидна и дезинсекција против возрасни комарци, појаснува епидемиологот од Центарот за јавно здравје, доктор Јадранка Стаменковска.
Првата фаза на дезинсекција во општините од североисточниот регион беше извршена во месеците јуни и јули годинава.