Пристигнаа 30.000 дози „Синовак“ вакцини донација од Турција

Донација од 30.000 дози од кинеската вакцина „Синовак“ денеска пристигнаа во Македонија, соопшти преку социјалните мрежи министерот за здравство Венко Филипче.

– Уште еднаш сакам да изразам голема благодарност до Република Турција и претседателот Реџеп Таип Ердоган за поддршката, но пред се, за експресната испорака на ветената количина која е многу значајна за нас, напиша Филипче.

Вакцините, како што појасни министерот, во најкраток рок ќе бидат дистрибуирани до вакциналните пунктови ширум државата.

Никола Ивановски