Припадниците на Територијалната противпожарна единица Куманово во теот на вчерашниот ден интервенирале на четири локации, од кои три на запалена сува трева, но и една посериозна кога пожар избувнал во фабрика за картонажа, информираат од Регионалниот центар за управување со кризи.
Имено околу 14:25 часот во текот на вчерашниот ден, седумина пожарникари со три цистерни со часови го гаснеле пожарот во фабрика за картонажа во населбата Карпош. Интервенцијата завршила во 17:50 часот, а причинета била поголема материјална штета на објектот.
Останатите три интервенции се на запалена сува трева, од кои една исто така во населбата Карпош, кога во период од 19:50 до 20:25 интервенцирале тројца пожарникари со едно противпожарно возило.
Сува трева четрворица пожарникари со едно противпожарно возило гаснеле и на граничниот премин Табановце и тоа во пероиод од 13:15 до 14:40 часот.
Запалена сува трева имало и кај месноста Серава, каде тројца пожарникари интервенирале со едно возило во локализирање на огнот.
Loading...