Три интервенции се регистрирани во текот на вчерашниот ден од страна на ТППЕ Куманово, јавува Регионалниот центар за управување со кризи во дневниот извештај.
Првата интервенција е регистрирана на ул. Ленинова бр.30 каде бил пријавен опожарен скутер, додека втората интервенција била во село Табановце каде пожарникарите гаснеа сува трева и дабова шума.
Екипата на ТППЕ Куманово во текот на вчерашниот ден се упатила и кон селото Павлешенце кое се наоѓа на регионалниот пат Куманово – Свети Николе за да асистираат на своите колеги од соседната општина откако поради голем пожар на борова шума покрај патот, се случила и сообраќајна незгода.
Имено, поради густиот чад дошло до судир на две возила, од кои едното од Куманово, а второто од Свети Николе при што едно лице било потешко, а две лица полесно повредени.