Поранешниот порно актер Рон Џереми е префрлен во државна болница за ментално здравје откако е прогласен за неспособенда му се суди за силување и сексуално вознемирување, објави денеска портпаролот на окружниот обвинител во Лос Анџелес, пишува Танјуг.
Според канцеларијата на окружниот обвинител, Рон може да остане во болница до две години.
Сослушувањето на кое повторно ќе се разговара за психичката состојба на Џереми е закажано за 8 мај.
Џереми (69) е обвинет за 30 точки од обвинението за силување и сексуално вознемирување во период од 23 години.
Тој се изјасни за невин во август 2021 година за повеќе од 30 точки од обвинението за сексуален напад, вклучително и 12 точки за силување, во областа на Лос Анџелес во период од 23 години, за што се соочува со повеќе од 300 години затвор.
Според обвинението, Џереми сексуално напаѓал жени на возраст од 15 до 51 година од 1996 до 2019 година.
Судијата на Врховниот суд во Лос Анџелес на сослушувањето објави дека утврдил, врз основа на извештаите на обвинителите и одбраната на Џереми, дека актерот боледува од „неизлечиво неврокогнитивно нарушување“, пренесува АП.
Адвокатот што го застапува Џереми му рече на судот во март 2022 година дека неговиот клиент не можел да го препознае кога го посетил во неговата ќелија пред судското рочиште.
Џереми е еден од најпознатите актери во порно индустријата и се појавил во повеќе од 1.700 филмови од 1979 година, кога ја започнал својата кариера.