Поради финансиската криза, цените на вилите во Дубаи паднаа на најниско ниво во изминатата деценија, соопшти американската компанија „Кавендиш Максвел“.
Според најновите податоци, просечна цена на куќа за едно семејство во атрактивниот дел од градот на Обединетите Арапски Емирати паднала за 24 отсто во изминатата година и сега вредноста изнесува 495.500 американски долари.
Работи кои до пред 10 години во Дубаи биле незамисливи сега се реалност
Ваквата цена не е забележана во изминатите 11 години и покрај глобалната рецесија, покажуваат податоците на порталот „Проперти монитор“.
Просечна вила во Дубаи сега се продава за помалку пари за разлика и од најмрачните денови на глобалната финансиска криза која најтешко го погоди Дубаи во 2010 и 2011 година.
Афера која го тресе Дубаи: Избега најмладата жена на шеикот (ВИДЕО)
Цените сега, исто така, се пониски отколку во било кој момент во текот на падот на цената на нафтата во 2015 година.
Само во јуни годинава, цените на недвижнини во Дубаи се пониски за 15 отсто во однос на минатата година.
Дубаи добива уште една меганаселба и облакодер (ВИДЕО)
Иако економијата на Дубаи и натаму е релативно силна, а ја движат скоро осум милиони странски држвјани кои живеат и работат во овој град, постојата изградба спречила пораст на вредноста на недвижнини, а најтешко се погодени делови од градот со луксузни вили.