Почина кипарскиот архиепископ Хрисостом II

Сподели со своите пријатели

Кипарскиот архиепископ Хрисостом II утрово почина, објави државната телевизија на земјата.

Loading...

Хрисостом (81) боледувал од рак на црниот дроб и последните денови ги поминал во седиштето на црквата во главниот град, пренесува АП.

Во соопштението на лекарскиот тим се наведува дека надбискупот мирно починал утрово во 6 часот и 40 минути по локално време.

„Сите кои беа блиску до него во тешките часови на неговата болест ја почувствуваа неговата понизност, добрина и длабока вера, како и грижата за неговото стадо“, се вели во соопштението.

Се нагласува дека архиепископот зад себе оставил наследство обележано со неговата „визија, храброст, почит и желба за обновување на црковната историска традиција, како и иновативни промени кои секогаш имаа за цел единство на црквата“.

ПРОЧИТАЈТЕ И:  Во Јапонија лани регистрирани рекордни 123.000 случаи на злоупотреба на деца

– Она што секогаш ќе го следиме е неговата директност, добрина и неговата насмевка“, се вели во соопштението.

Државната телевизија објави дека Светиот Синод – највисокото црковно тело што носи одлуки – ќе се состане за да ги договори деталите за погребот, на кој ќе бидат поканети поглаварите на другите православни цркви.