Полицијата во Јута во неделата пронашла жена во шумата, по која се трагало шест месеци.
Жената, која не беше именувана, беше прогласена за исчезната во ноември минатата година. Полицијата го пронајде нејзиниот автомобил во националниот парк Јута, но немало траги од неа. Била опсежна потрага, но тие не успеале да ја пронајдат жената во густата шума.
Иако поминале месеци, полицијата не се откажала од потрагата, па во неделата крена дрон за уште еднаш да ја чешла областа. Во еден момент, камерата снимила мал шатор скриен во шумата. Прво, полицијата помислила дека еден од камперите го напуштил шаторот, но потоа видел дека нешто се движи внатре, а наскоро жената го отворила патентот и излегла надвор.
По пристигнувањето на локацијата, полицијата пронашла многу слаба и измачена жена, која преживеала во последните месеци јадејќи трева и мов и пиејќи вода од блискиот поток.
Се сомнева дека самата жена решила да живее во шумата и да ги остави своите најблиски.
– Оваа жена (47) ослабе многу и беше многу слаба, но очигледно сепак многу снаодлива – се наведува во полициското соопштение.
Според нив, потрагата по жената започнала во ноември минатата година, откако шумарите го нашле нејзиниот автомобил напуштен на влезот во шумата. За време на истрагата, пронајдени се одредени докази, кои сугерираат дека жената може да има ментални проблеми. Иако интензивно ја бараа, жената очигледно беше доволно вешта да бега од полицијата и да се крие со месеци без никој да ја најде.
– Затоа веруваме дека останувањето во шума била нејзина волја и веруваме дека цело време е во шумата од нејзиното исчезнување – објави полицијата.
Заменик-шефот рече дека жената е пренесена во најблиската болница и дека ќе и биде извршена психијатриска проценка, но тој истакна дека не е исклучено жената сепак да одлучи да се врати во шумата.