По три години почна да тече вода на фонтаната на градскиот плоштад, кај споменикот Батко Ѓорѓија. Од страна на Општина Куманово, беа набавени делови за сервисирање на истата, а со стручна помош на „ЈП Водовод„ се изврши замена на делови за електрична инсталација и за водоводна мрежа.
Како што информираат од Општина Куманово, во тек е изработка на физибилити студија за утврдување на оштетеноста и на останатите две фонтани во централно градско подрачје. По што ќе следува и нивна реконструкција.