Едно племе од островот Батон во Индонезија стана хит меѓу фотографите, но и на социјалните мрежи, поради невообичаено продорните сини очи и бронзениот тен.
Островот Батон е 19-тиот најголем остров во Индонезија, во југоисточниот регион Сулавеси, а вистинска атракција се староседелците од племето Батон, кои се поделени на неколку помали.
View this post on Instagram
Некои од нив имаат Варденбург синдром, што влијае на нивната пигментација, поради што имаат невообичаено сини очи.
Овој феномен е вистинска реткост во Индонезија, бидејќи жителите таму претежно имаат темна коса и темни очи, а тие често се раѓаат со различни бои на очите.
View this post on Instagram
Станува збор за наследна генетска мутација за која се проценува дека има една од 42.000 лица во некоја форма. Сепак, овој синдром може да доведе и до губење на слухот.
View this post on Instagram
Членовите на племето Батон беа фотографирани за време на неодамнешната посета на островот од страна на Корчној Пасарибу, геолог од Џакарта.
View this post on Instagram
38-годишниот фотограф го документира животот во рурална Индонезија од септември 2019 година, со посебен фокус на бројни племиња и културно наследство.
View this post on Instagram
Пасарибу изјавува дека фотографијата е негово хоби и дека тој всушност работи како геолог во рудник за никел.
„Сините очи се уникатни и убави и тие се моја инспирација. Сината е мојата омилена боја на очите”, рече тој.
View this post on Instagram
Индонезија е огромен архипелаг со над 350 дијалекти и субкултури. Островот Батон, со големина од околу 2.700 квадратни километри, е еден од поголемите индонезиски острови.
Островот е дом на нешто помалку од 450.000 луѓе, повеќето од нив во мали, изолирани племиња.