Пет лица загинаа откако Русите брутално го нападнаа Херсон во пресрет на Бадник

Сподели со своите пријатели

Руските сили синоќа жестоко ја нападнаа областа Херсон на југот на Украина, која неодамна беше делумно ослободена, соопшти гувернерот на Херсонската област.

Loading...

Во нападите извршени ден пред Божиќ, руските сили убиле пет цивили, а повредиле 35, меѓу кои и едно шестгодишно девојче.

Јарослав Јанушевиќ, гувернерот на Херсонската област, објави дека девојче е тешко повредено во рускиот напад и е префрлено во болница со повеќе повреди од шрапнели.

Нејзината состојба е сериозна, рече тој.

Руските сили ги нападнаа ослободените делови на регионот Херсон 74 пати со артилерија, повеќецевни ракетни фрлачи, минофрлачи и тенкови, додава тој.

 

 

Loading...

Зеленски: Убиваат за заплашување, но и за задоволство

За нападите денеска зборуваше и Кирил Тимошенко, советник на украинскиот претседател Володимир Зеленски, кој ги опиша како „акти на терористи“.

Не долго потоа, украинскиот претседател Володимир Зеленски објави на својот канал Телеграм:

„Ова не е за воени цели. Ова е за убивање заради заплашување, но и за задоволство“.

 

 

Руска одмазда за ослободувањето на Херсон

Да потсетиме, украинските сили неодамна го ослободија западниот дел на регионот Херсон.

Ослободен е целиот дел од тој регион западно од реката Днепро, вклучувајќи го и градот Херсон, кој речиси девет месеци беше под руска окупација.

Loading...

Ослободувањето на градот Херсон беше особено значајно бидејќи тој беше единствениот главен град на украинскиот регион кој беше под окупација на руските сили.

Откако се повлекоа на источниот брег на реката Днепар, руските сили немилосрдно ги гранатираат ослободените делови на регионот Херсон, убивајќи цивили и уништувајќи ја енергетската инфраструктура.

 

Сите информации поврзани со најновите случувања со војната во Украина можете да ги прочитате ТУКА.