Предлогот на претседателот на Украина, Володимир Зеленски, Русија да се преименува во „Московија“ е смешен, Руската Федерација е голема сила и ќе остане Русија, изјави портпаролот на Кремљ, Дмитриј Песков.
– Знаете, најверојатно се однесува на смешни изјави или слични решенија. Ако не се лажам, веќе имаше многу вакви шеги на темава. Мислам дека тука не се потребни нови шеги. Сепак, уште еднаш повторувам, овде може да се третира само со насмевка, рече тој.
Тој подвлече дека Руската Федерација, како и да ја нарече, ќе остане голема сила и ќе остане Русија.
Претседателот на Украина Володимир Зеленски претходно му нареди на премиерот на Украина Денис Шмигал „темелно да ја проучи“ можноста Русија да се преименува во „Московија“.
По ова следеше бурна реакција на руските власти.
Петицијата за преименување на Русија во „Московија“, која беше објавена на веб-страницата на Зеленски, во февруари собра 25.000 потписи, што е неопходно за официјално разгледување на предлогот.
Петицијата беше објавена на веб-страницата во ноември минатата година.
Сите информации поврзани со најновите случувања со војната во Украина можете да ги прочитате ТУКА.