Во студените зимски денови, кога владеат вирусите, јадете киви бидејќи го крева имунитетот, велат експертите.
Ова овошје содржи витамини од групата Б, но и витамини А и Ц. Други состојки вклучуваат протеини, калциум и железо.
Кивито е одлично за идните мајки, бидејќи витамините Б помагаат за правилен развој на плодот.
Освен што ја зголемува одбраната на организмот, го намалува и холестеролот.
Киви го зајакнува имунолошкиот систем, така што вашето тело се бори против болести. Всушност, според нутриционистичките податоци, просечното киви содржи речиси двојно повеќе витамин Ц од свежите портокали, кои често се пофалени како врвен извор на витамин Ц.
Киви, исто така, содржи фолна киселина, која помага да се создадат црвени и бели крвни зрнца и антитела кои го штитат телото од инфекции.