Кога купувате куче, едно е сигурно – тоа крзнено суштество ќе ви го украде срцето. Затоа, идните сопственици и сите оние кои сакаат да станат, треба внимателно да размислат за расата што сакаат да ја стекнат и дека одговара на нивниот начин на живот.
Оние кои имаат многу слободно време и го трошат активно можат да размислуваат за раси како Хаски, Германски овчар или Лабрадор. Сепак, идните сопственици кои живеат во помали простории и немаат премногу слободно време, треба да размислат за раса која не е толку активна.
Порталите WNEP, Top Dog Tips, I Heart Dogs, Cheat Sheet и Good Housekeeping се согласуваат дека булдогот е мрзлива раса. Ова е поткрепено со фактот дека и англиските и француските булдози се на листата на слабо активни кучиња на Американскиот кинолошки клуб.
Булдогот е слабо активна раса која дремнува секогаш кога ќе се појави можност. Но, постои причина зошто е тоа така. Имаат екстремно краток нос, поради што не можат да вежбаат напорно.
Сепак, понекогаш дури и булдог ужива да оди и да се игра. Во просек, тоа е 44,31 минути дневно, и тоа е време што скоро секој може да го одвои за своето милениче.
Тие ретко лаат, не провоцираат други кучиња, но кога ќе почувствуваат дека нивното семејство е загрозено, ќе реагираат и ќе се обидат да го одбранат. Иако можат да бидат тврдоглави, поради нивната мирна природа, се препорачуваат и за луѓе кои штотуку влегуваат во светот на кучињата.