Веб страницата на Државната изборна комисија падна пред да ги објави податоците за целокупната излезност на денешните избори, а потоа останаа недостапни и сите информации за резултатите.
Како што информираат од ДИК, станува збор за напад на сајтот на ДИК од надвор и ИТ експерти работат на нормализирање на состојбата.
Со тоа отежнат е пристапот до информации за резултатите и ДИК емитува стрим во живо со процентуално обработени гласови од партиите.
Засега не е познато каква е состојбата во општините, но тесна е разликата меѓу СДСМ и ВМРО-ДПМНЕ.
Коалицијата „Можеме“ на СДСМ води со 36,6%, а следува ВМРО-ДПМНЕ со 35,77. Потоа доаѓа ДУИ со 10,52 отсто.
Во меѓувреме освен сајтот на ДИК, под хакерски напад е најголемиот агрегатор на вести во државата, Тајм.мк.
Никола Ивановски