Обединетите нации очекуваат „голем пораст“ на бродовите кои сакаат да извезуваат украинско жито преку Црното Море, откако беа договорени транзитните процедури и целта од 2-5 милиони тони месечно е „остварлива“, рече висок претставник на ОН, како што објавија Ројтерс.
Русија, Украина, Турција и Обединетите нации во понеделникот се договорија за транзитните процедури за договорот склучен минатиот месец за обновување на извозот на жито и вештачко ѓубриво од Црното Море на Украина.
Процедурите вклучуваат тампон зона од 10 наутички милји за бродови.
Досега, 12 бродови заглавени во Украина од руската инвазија на 24 февруари добија дозвола да заминат, а уште четири беа ослободени да патуваат во Украина.
Кени им рече на новинарите дека бројот на дојдовни бродови се очекува да се зголеми додека се преговара за продажба на жито.
Обединетите нации нагласија дека договорот за извоз е комерцијална – а не хуманитарна – операција што ќе ја води пазарот.
Сите бродови мора да бидат проверени за да се одговори на руската загриженост дека тие би можеле да шверцуваат оружје во Украина.
Договорот има за цел да помогне во олеснување на глобалната криза со храна, за која Обединетите нации велат дека е влошена со руската војна во Украина и турна десетици милиони луѓе во глад.
Украина и Русија се клучните светски извозници на пченица. Во Украина останаа околу 20 милиони тони жито од минатогодишниот род, како и овогодишната жетва на пченица, која се проценува на уште 20 милиони тони.
Сите информации поврзани со најновите случувања со војната во Украина можете да ги прочитате ТУКА.