Од петок доаѓа вистинско лето со високи температури

Сподели со своите пријатели

Оваа  недела ќе биде релативно топла, но вистински летни температури може да очекуваме на самиот нејзин крај. Спарното време ќе ги одбележи речиси сите денови од неделата.

Loading...

Понеделник и вторник ќе бидат пооблачни попладне, а услови за дожд и ретка појава на грмежи ќе има локално во јужната половина од земјата, пред се во југозападниот крај.

Во среда попладне можен е слаб локален дожд и во планинските региони во источниот крај од земјава.

Нестабилност ќе има и во четврток попладне, која засега изгледа дека повеќе ќе ги зафати местата во западниот дел од земјата. Локална облачност ќе има и во источниот крај, но појавата на врнежи ќе биде поретка.

И петок нема да донесе ништо повеќе од услови за локален дожд во крајните западни и крајните источни делови од земјата.

Викендот е со изгледи да биде претежно сончев и доста топол.

Од понеделник до четвтрток температурата ќе има максимална вредност околу 30°С долж повардарие  и во низините од источниот регион. Низините во југозападнит регион ќе бидат посвежи за околу 2°С.

Вистински летни температури ќе има од петок. Се очекува „врвот“ на топлотниот бран да биде во сабота, кога температурата би требало да надмине 35°С во југоисточниот и повардарскиот регион.

Loading...