Судот под контрола на воената хунта во Мјанмар денеска ја осуди поранешната лидерка Аунг Сан Су Чи на четири години затвор за поттикнување немири и кршење на епидемиолошките мерки воведени поради пандемијата на корона вирусот.
Loading...
„Осудена на две години затвор според член 505 (б) и две години затвор според Законот за природни катастрофи“, рече портпаролот на хунтата.
76-годишната добитничка на Нобелова награда Аунг Сан Су Чи, која беше уапсена од армијата кога организираше државен удар на 1 февруари, е во домашен притвор.
Таа тогаш беше обвинета за корупција, бунт и изборна измама.