Ватикан не може да тужи пред европските судови бидејќи е суверена држава, се вели во одлуката на Европскиот суд за човекови права (ЕКЧП) во Стразбур.
Според тоа, судот ја отфрли тужбата за преживеаните жртви на злоупотреба извршена од католичкото свештенство, пренесува Фена.
Тоа беше прв случај пред ЕКЧП да се занимава со имунитетот на Светата столица, се вели во одлуката на судот.
Група од 24 лица од Белгија, Франција и Холандија, кои ја преживеале злоупотребата на католичките свештеници, се обидоа да ги тужат водачите на Светата столица и Католичката црква пред белгиските судови уште во 2011 година, но судовите во земјата одлучија дека тие немаат надлежност над Ватикан, соопшти Европскиот суд за човекови права, објаснувајќи ја својата одлука.
Преживеаните од злоупотребата, кои рекоа дека биле малтретирани од свештеници како деца, се бореле преку белгискиот судски систем пред да поднесат тужба до Европскиот суд во 2017 година.
Жртвите на сексуална злоупотреба тврдеа дека им е ускратено правото на пристап до судот, согласно член 6 од Европската конвенција за човекови права, која вели дека секој има право на фер судење.
Тужителите за првпат поднесоа тужба за основна постапка до Основниот суд во Гент во јули 2011 година.
Тие тврдеа дека обвинетите треба да платат 10.000 евра како надомест за секој преживеан како надомест „за политиката на молчење на Католичката црква во врска со сексуалната злоупотреба“.
Во октомври 2013 година, судот во Гент ја отфрли јурисдикцијата во случајот на Светата столица, се наведува во пресудата.
Пресудата на Судот за човекови права беше донесена во сооднос од шест спрема еден во случајот на Ј.Ц. и други против Белгија, каде судиите имаа мнозински став дека Ватикан е суверена држава што не може да се тужи и дека нема ништо „неразумно или произволно“ во белгиските судови кога станува збор за заземање таква позиција.
Одлуката сз уште не е конечна и секоја страна во постапката може да поднесе жалба што ќе помине низ постапка за преглед на Големиот совет во рок од три месеци од донесувањето на пресудата.
Одлуката во корист на Светата столица беше донесена во време кога Католичката црква се соочува со документирани, бројни случаи на сексуална злоупотреба што опфаќаат децении и кога се поголем број жртви се обединуваат во борбата за правда.