„Човекот од Тауред“ е една од најпознатите мистерии во светот, кои никогаш не биле решени, а за кои се напишани книги и филмови. Дали сте слушнале за неа?
Еден од најенигматските настани на 20 век не бил поврзано со летечки чинии, теории на заговор, злосторства или во врска со видување на чудни суштества.
Се случува во навидум нормален ден и на едно од најчестите места што може да се замисли – аеродром.
Дури и денес, никој не знае што точно се случило таму или зошто просечниот деловен патник станал центар на мистеријата, претежно денес заборавена.
Во 1954 година, навидум нормален човек наводно слетал со авион во Токио. Кога го предал пасошот на аеродромот за да добие печат, го одвеле во собата за сослушување. Причина? Неговиот автентичен пасош го издала земја за која никој досега не слушнал – Тауред.
Мажот тврди дека неговата земја се наоѓала помеѓу Франција и Шпанија. Кога го замолиле да ја најде на картата, тој ја посочил – Андора. Никогаш не слушнал за Андора и тврди дека Тауред била таму 1000 години.
Тој исто така рекол дека веќе 5 години редовно одел во Јапонија на службени патувања, без никакви проблеми, а неговиот пасош ја потврдил неговата приказна. Во него биле содржани царински и визни марки, а мажот имал валидни банкноти од повеќе европски држави, возачка дозвола од Тауред и чековна книшка од непозната банка.
По неколку часовно испрашување, тој бил одведен во блискиот хотел. Двајца имиграциски полицајци стоеле пред неговата хотелска соба до утрото. На изненадување, кога утрото влегле во собата, виделе дека човекот исчезнал.
Единствениот алтернативен излез од собата бил прозорец. Како и да е, просторијата се наоѓала на 15-ти кат на хотелот, над прометната улица и немало испакнатини на фасадата на хотелот со кои мистериозниот човек би можел да се спушти на земја.