По нападот со нож во саботата врз воз што сообраќаше во англискиот округ Кембриџ, десет лица се во болница, од кои девет со повреди опасни по живот, објавува Би-Би-Си.
Британската полиција го примила првиот повик за нападите врз возот што сообраќал од Донкастер до Кингс Крос во 19:39 часот по локално време, по што пристигнала на местото на злосторството и уапсила двајца мажи, пишуваат британските медиуми.
Подоцна објавила дека десет лица се во болница, од кои девет со повреди опасни по живот, пишува Би-Би-Си. Во моментов нема смртни случаи.
Полицијата потврдила дека антитерористичките сили се испратени на терен, додава Би-Би-Си.
Пол Бристоу, градоначалник на Кембриџшир и Питерборо, го коментирал инцидентот на X.
„Слушнав извештаи за ужасни сцени во воз во Хантингдон, Кембриџшир. Полицијата на Кембриџшир е на местото на настанот и две лица се уапсени“, напишал тој.
Британскиот премиер Кир Стармер, исто така, се огласи, велејќи дека инцидентот е „длабоко загрижувачки“.
„Ужасниот инцидент со возот во близина на Хантингдон е длабоко загрижувачки. Моите мисли се со сите погодени и им се заблагодарувам на службите за итни случаи за нивниот одговор. Секој во областа треба да го следи советот на полицијата“, објави тој на X.
Two people have been arrested after a stabbing spree on a train in Huntington, Cambridgeshire.
Reports suggests up to 10 people have been stabbed, including staff members.
This can’t be the new normal. We should be able to walk our dog, visit the bank or travel without fear. pic.twitter.com/jDgeqWJYMZ
— Chris Rose (@ArchRose90) November 1, 2025