Вкупно 152 лица се приведени во Париз на маргините на воената парада одржана по повод националниот празник на Франција, Денот на падот на Бастиља, пренесе Франс инфо.
Меѓу приведените се и лидерите на граѓанското движење „Жолти елеци“, Ерик Друе, Жер Родригез и Никол Максим.
Француските власти соопштија дека лицата се приведени поради различни причини, поради илегално носење оружје, неред на јавно место и непријавено собирање.
Медиумите пренесуваат дека нередите избиле по воената парада која традиционално се одржува на Елисејските полиња. Полицијата користела солзавец за да ги растера собраните.
Во Париз и натаму е напнато по повеќемесечните протести на движењето „Жолти елеци“ против државната политика. Неколку групи од движењето успеале да се измешаат со насобраните гледачи и да го исвиркаат францускиот претседател кој минувал во отворен автомобил пред почетокот на воената парада.
Фото: Youtube printscreen / RT