Ракометарките на Куманово впиша ауште една победа во домашниот женски шампионат, откако вчера на гостински терен со резултат 22:29 го совладаа тимот на Пелистер.
Одлично отворање на мечот имаа кумановки и уште од самиот старт го диктираа темпото на игра. Секогаш во резултатска предност пред домаќинот, ракометарките на Куманово го завршија и првиот дел од средбата со предност од четири голови, односно на полувреме се замина со резултат 11:15.
Вториот дел од средбата кумановки го одиграа рутински притоа бројот на реализирани погодоци беше скоро ист како и во првиот дел од средбата, односно кумановки имаа 14 голови, а ракометарките на Пелистер 11.
Девет голови на овој меч за Куманвоо постигна Сара Цветановска со што таа беше најдобра во составот. Зад неа со пет погодоци е Пена Граматова, а еден помалку забележа Тамара Боризовска.
Кај домаќинот со седум голови најефикасна беше Марија Јанкуловска.
Со оваа победа кумановки бележат скор 9 од 9 и цврсто прво место во таблета, што ги потврдува заложбите на управата и оваа сезона Куманово да ја освои двојната круна во женскиот ракомет.
Никола Ивановски / фото: архива