Стив Ронин, момче кое истражува напуштени објекти, се одлучило да посети напуштена вила на еден јапонски милијардер.
– Не знам многу за ова место, се надевам дека ќе најдеме некои фотографии или било што друго што ќе ни укаже за чија вила станува збор. Од неколку пријатели дознав дека припаѓала на јапонски милијардер кој ја користел само за богата умерничка колекција, рекол Ронин на самиот почеток на своето истражување.
Се претпоставува дека вилата била изградена на почетокот на 80те години од минатиот век, а напуштена во 2013 година.
Точната судбина на сопственикот на овој неверојатен објект не се знае, кружат приказни дека проневерил големи пари и потоа едноставно исчезнал и оставил се зад себе. Други тврдат дека завршил во затвор.
Интересно е што од куќата, иако е напуштена, ништо не е украдено и ниту еден прозорец не е искршен. Ронин објаснува дека во Јапонија слабо се краде, така да во вилата може да се видат многу скапоцености.
Целиот објект изгледа како складиште за голем број скулптури и други уметнички дела.