Анализата на 15 држави покажува дека жените живеат најдолго во Швајцарија, со животен век од 79,03 години, при што Австралија е лидер за животниот век на мажите (74,1 години).
Научниците од универзитетот во Пенсилванија, собрани околу д-р Мишел Гијо, анализирале податоци од 15 земји во Европа, Северна Америка и Азија кои имаат долг животен век. Овие земји ги вклучуваат Норвешка, Јапонија, Шпанија, Данска и Белгија.
На дното на списокот за жените се италијански жени, чиј просечен животен век е 72,14 години. Најкраткиот просечен животен век кај мажите е во Португалија со 64,77 години.
Д-р Колин Пејн, од националниот универзитет во Австралија, кој бил еден од водачите на студијата, посочува дека е вообичаено верување дека Јапонија и нордиските земји се на врвоткога станува збор за здравје, благосостојба и долговечност.
– Но, и Австралија. Резултатите се должат на трајната стабилност и фактот дека Австралија има висок животен стандард долги години. Едноставни работи, како што е доволно храна и фактот дека тие не се соочуваат со големи конфликти, играат важна улога – додава Пејн.
Очекуваниот животен век на Јапонците е 68,52 години, а оној на Јапонките 72,9 години.
Каде жените живеат најдолго
1. Швајцарија 79,03 години
2. Австралија 78,79 години
3. Норвешка 78,61 година
4. Шведска 78,39 години
5. Холандија 78,17 години
6. Велика Британија 76,3 години
7. Франција 76,97 години
8. САД 76,43 години
9. Данска 75,83 години
10. Финска 75,17 години
Каде мажите живеат најдолго
1. Австралија 74,1 година
2. Шведска 74 години
3. Швајцарија 73,7 години
4. Норвешка 73,1 година
5. Холандија 72,6 години
6. Велика Британија 72,33 години
7. Данска 71,87 години
8. САД 71,57 години
9. Финска 69,21 година
10. Белгија 68,83 години