Австралиската полиција уапси 19-годишно момче зошто брутално убило дури 20 кенгури прегазувајќи ги со својот автомобил.
Мртвите животни, вклучувајќи и младенчиња од кенгури, пронајдени се во неделата раштркани по приградските улици во еден град јужно од Сиднеј.
Полицијата соопшти дека засега се сомневаат дека овој масакр на недолжни животни е направен во рок од еден час претходната ноќ.
Тинејџерот убиец во вторникот е обвинет за убивање и суровост кон животни.
Според тамошните закони, секој кој е осуден за суровост кон животните се соочува со затворска казна до пет години, но и со парична во износ од 15.000 американски долари.
Инаку, жителите на Тура Бич, каде се случил овој масакр, ова го опишаа како трагедија. Некои од нив се рабудиле и ги затекнале убиените и крвави животни во своите тревници.
„Ова е вистински масакр без трошка чувство“, рекла една од нив.
Три млади кенгури се спасени од стомаците на мртвите мајки и однесени во Институтот за заштита на дивиот свет.
Kangaroo killings: Australian charged with driving car into 20 animals https://t.co/6mZ0e4uM3H
— Aulia Rahman (@auliarahmanl) October 2, 2019