Водечката австралиска авиокомпанија „Квантас“ (Qantas) започна пробен, непрекинат лет од Лондон до Сиднеј со околу 50 патници, еден од најдолгите трговски летови во светот.
Авионот на Квантас се упати од лондонскиот аеродром Хитроу до аеродромот во Сиднеј околу 6 часот наутро по локално време утрово, јавува Си-Ен-Ен.
Летот Лондон – Сиднеј, кој е дел од Quantas Project Sunrise, е најдолгиот лет на светот во однос на растојанието, бидејќи треба да лета на оддалеченост од 16.000 километри.
Се очекува да трае нешто повеќе од 19 часа, што е приближно времето на првиот пробен лет Квантас, спроведен пред четири недели на маршрутата Њујорк – Сиднеј.
Иако летот од Лондон до Сиднеј е 1.500 километри подолг од летот Њујорк – Сиднеј, се очекува да трае исто толку долго како резултат на воздушните струи.
Целта на пробните летови на Квантас е да воведат повратен директен лет до Сиднеј-Лондон и Сиднеј-Њујорк до 2022 година, како и да ги испитаат ефектите од промена на временските зони врз патниците.
Квантас го редизајнираше новиот „Boeing 787-9 Dreamliner“ за пробен лет за да смести максимално гориво и да го ограничи бројот на патници и багажот, дозволувајќи им на таквите долги летови да бидат завршени без дополнителни слетувања за полнење гориво.