Куманово убедливо поразен од ТФТ

Сподели со своите пријатели

Со резултат 68:85 кошаркарите на Куманово забележаа пораз во вчерашниот меч кој на домашен терен го одиграа протиф составот на ТФТ, а во рамките на 3. коло од домашниот шампионат.

Loading...

Фуриозен старт имаше гостинскиот состав на вчерашниот меч, па веќе во само првата четвртина направи голема резултатска предност пред Куманово со резултат 35:14.

Куманово за нијанса се врати во живот во втората четвртина, но не доволно добро, па на полувреме замина со негатива од 18 поени, односно резултат 38:56.

Паузата на полувремето не донесе никакви промени. Веќе во третата четвртина очигледно беше дека ова е загубен меч за избраниците на тренерот Игор Ѓорѓиевски, откако забележаа само осум поени наспроти 20 на ТФТ.

Една ластовичка не ја прави пролетта, па така и последните десет минути од играта на Куманово не беа доволно да се направи некаква пресвртница во резултатот и овој меч го загубија убедливо.

Хортон беше најефикасен кај ТФТ со 20 поени и 10 скокови, Леонард со 15 поени. додека кај кумановци најефикасен беше Стеван Глигоријевиќ со 20 поени.

Никола Ивановски