31.03.2019 16:33

Куманово преку Шкупи до пласман во Супер лигата


Кошаркарите на Куманово остварија убедлива победа против составот на Шкупи со резултат 79:109 и си обезбедија пласман во Супер лигата како шестопласирана екипа во табелата.

Десет минути игра им беа доволни на избраниците на тренерот Александар Петровиќ за да направат двојна предност пред домаќинот од Чаир, па со резултатот 31:15 ја завршија првата четвртина.

loading...

Слично темпо на игра имаа и во втората четвртина, но тука Шкупи оствари повеќе поени. На полувреме се замина со убедливи 37:50.

Куманово својата резултатска предност ја билдаше и во третата четвртина кога успеа да го надигра Шкупи со 31 поен, наспроти нивните 17. Последниот дел од играта за три поени подобри беа гостите, кои славеа влез меѓу шестте најдобри во шампионатот.

Со 24 поени најдобар во составот на Куманово, а воедно и поентер на мечот, беше Лука Тодоровски. Двоцифрен број поени впишаа и Филип Стојановски, Миодраг Тодоровиќ, Бранислав Ѓекиќ, Методија Беслиоски и Адем Мекиќ.

Спо по 17 поени кај Шкупи најдобри беа Емил Колев и Елвис Хот.

Со оглед дека Работнички е на првото, а Куманово на шестото место во табелата овие две екипи ќе се сретнат во првото коло од Супер-лигата.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments