Со резултат 93:80 кошаркарите на Куманово остварија победа врз составот на Берое од Бугарија во рамките на регионалната БИБЛ лига.
Средбата започна изедначено. Во првите десет минути на паркетот избраниците на тренерот Ѓорѓиевски играа поен за поен со противникот, но почна да се одлепува кон крајот на првата и почетокот на првата четвртина, па на полувреме замина со двоцифрена предност од 52:41.
Ниту во вториот дел од средбата гостинскиот состав немаше сили да им парира на кумановци, па победата остана во Куманово.
Со оваа победа сино-белите како второпласирани во групата заминуваат во следната фаза од БИБЛ натпреварувањата.
Со 23 поени најефикасен во дресот на Куманово беше српскиот интернационалец Бранислав Ѓекиќ.
Текст/Фото: Никола Ивановски