Во текот на вчерашниот ден, активисти на Левичарското движење „Солидарност”, во соработка со членови од Куманово, залепија плакати низ градот, како дел од кампањата што ја започнува „Солидарност” за поддршка на бегалците.
Како што соопштуваат од ”Солидарност”, кампањата има за цел да поттикне размислување за суштинските проблеми кои ги тераат бегалците да ги напуштаат своите земји, да ја подигне свеста за потребата од слободно движење на сите луѓе во светот и да се бори против ксенофобијата и омразата кон различните.
Првиот дел од кампањата се состои од лепење постери низ градовите во Македонија, а вториот од организирање работилници за разговор на овие теми со младите. Предвидена е ваква работилница и во Куманово, кон крајот на ноември или почетокот на декември.